SM 105 / தூயமல்லி அரிசி / THUYAMALLI RICE – BOILED

Description

தூயமல்லி அரிசி
அன்றையக்காலத்தில் பெரும்பாலான மக்கள் விரும்பி சாப்பிட்ட ஒரு அரிசி என்றால், அது தூயமல்லி அரிசி (Thuyamalli Rice) தான். சுவையிலும், சத்துக்களிலும் குறைவில்லாத ஒன்று.

பார்ப்பதற்கு பளப்பளப்பாகவும், வெண்மையாகவும் இருக்கும். இதனால், பெரும்பாலான மக்கள் விரும்பி சாப்பிடுவர்.

தூயமல்லி அரிசியின் தன்மை
நமது பாரம்பரிய நெல்லான தூயமல்லி அரிசி, 135 நாட்களில் இருந்து, 140 நாட்களுக்குள் விளைச்சலை கொடுக்கக்கூடியது.

தூயமல்லி அரிசி பூச்சி மற்றும் நோய்த்தாக்குதலை எதிர்த்து வளரும் தன்மைக்கொண்டதால், இந்த நெல் இரகத்திற்கு பூச்சிக்கொல்லி என்ற ஒன்று தேவைப்படுவதில்லை.

அன்றைய குறுநில மன்னர்கள், இந்த அரிசியை விரும்பி உண்டனர். உழவர்களை, இந்த அரிசியை பயிர்ச்செய்ய ஊக்கப்படுத்தி போட்டிகளையும் நடத்தினர். இந்த தூயமல்லி அரிசி, அத்தனை சிறப்புகள் நிறைந்தது.

தூயமல்லியின் அரிசியின் நீராகாரமானது, இளநீரை போன்ற சுவையைக்கொண்டது.

தூயமல்லி அரிசியின் பெயர்க்காரணம்
தமிழரின் பாரம்பரிய அரிசியில் ஒன்றான, தூயமல்லி அரிசியின் பெயர்க்காரணத்தை அறிந்தால் வியப்படைவீர்கள். அவ்வளவு சுவாரசியமான, அழகு நிறைந்தது.

தூயமல்லி அரிசி கதிர்விடும் சமயத்தில் பார்ப்பதற்கு மல்லிகையின் மொட்டுக்களை போல காட்சியளிக்கும். இதன் காரணமாகவே, நமது முன்னோர்கள், இந்த அரிசிக்கு தூயமல்லி அரிசி எனப்பெயர் சூட்டியுள்ளனர்.

தூயமல்லி அரிசியில் உள்ள சத்துக்கள்
தூயமல்லி அரிசியில் எண்ணற்ற சத்துக்கள் நிறைந்துள்ளது. இந்த சத்துக்களால், தூயமல்லி அரிசி உடலுக்கு ஆரோக்கியத்தை அள்ளி கொடுக்கிறது.